茶餐廳出招推1蚊蝦　網民讚貨真價實「好抵食」

該港男於香港討論區以「市道差！茶記救亡！一！蚊！蝦！」為題發文，指上周五（12日）光顧的茶餐廳，推出「1蚊蝦」大優惠，只要惠顧滿100元，即可加1元加多1碟蝦，「一碟7至8隻，唔多但新鮮彈牙」。從樓主上載單據見到，他點了65元「盲曹魚豉汁蒸」、70元「鹹蛋蒸肉餅」、加上1元的「1蚊蝦」，連白飯加例湯，「埋單」只需136元。

樓主補充，以上價錢，特飲另計，點了「檸樂煲羗」和「檸檬利賓納」，最後只是都係加左幾蚊，大讚「咁嘅價錢，冇理由唔食多幾次啦！」。另外，樓主亦補加餐廳資料，指「原來一至日每晚九時後可全單八折，但當然就冇一蚊蝦啦」。

帖文引來網民熱議，不少人向樓主求店名、地址，留言大讚「好抵食呀」、「雖然係茶記，出品都非常高喎」、「貨真價實，好抵食，睇得出，唔係Hea做」、「成個餐，有飯有湯有飲品唔貴啦。出面淨炒一碟菜都收幾拾，一碗白飯都可收十幾廿蚊...」。